Iraupena: 45 min. Zailtasun maila: Ertaina

Prestaketa

1. Patatak garbitu eta lapiko batean sartu zuritu gabe. Gatzdun urarekin estali, tapa jarri lapikoari eta 20 minutuan egosten utzi. Utzi epeltzen egosten egondako uretan.
2. Barrutik oraindik bero daudela, zuritu patatak eta puregailutik pasa gurin gainean dagoen tenperaturan. Gatzaz eta piperraz ondu, dena batera nahastu eta purea gorde.
3. Untxia zatitu eta gatzaz eta piperraz ondu. Eltze batean gorritu oliba-olioarekin eta bota tipula, porrua, azenarioa eta baratxuriak, dena txikituta. Barazkiak erregosita daudenean, zatitutako tomatea eta ezkai freskoa bota. Sueztitzen utzi bi minutuan eta ardo beltza bota. Tapa jarri eltzeari eta 15 minutuan su baxuan eduki. Atera untxia eta saltsa xehatu.
4. Zerbitzatzeko, untxiari saltsa bota eta patata-purearekin batera atera.

Trukuak eta aholkuak

Ardo beltzak zapore paregabea ematen dio errezetari. Alkohola lurruntzen utzi. Patata-purea, oso elikagarria, umeek gustura jan ohi dute, eta hainbat espezia eta osagairekin zaporea alda diezaiokegu. Ardoaren ordez barazki-salda ere egin dezakegu, zapore gozoagoa ematen dio horrek.

Informazio nutrizionala errazioko

Platera hau oso elikagarria da. Untxiaren proteinek oso kalitate handia dute, pureak karbohidratoak ditu eta horiek biek gainerako barazkiekin batera bitamina eta mineral ugari dituzte.

Ekarpen nutrizionala errazioko

Energia: 475 kcal Proteinak: 33 g Karbohidratoak: 17 g Koipea: 31 g