Iraupena: 25 min + beratzea. Zailtasun maila: Erraza

Prestaketa

1. Egun bat aurretik, moztu untxia zati txikitan eta bota oreganoa, txikitutako baratxuri aleak, kuminoak, ardo zuria, piperrautsa, gatza eta piperbeltza. Dena batera nahastu eta hozkailuan beratzen utzi.
2. Untxia xukatu, beratzea mantenduz, eta zartagin batean frijitu olioarekin. Atera eta gorde.
3. Ontzi berean, bota txikitutako tipula eta erregosi oliba-oliotan, zuritutako eta zatitutako almendren erdiarekin batera. Jarraian, bota beratzetik xukatutako baratxuriak, azafraia eta untxiaren gibela.
4. Tipula erregosita dagoenean, bota koñaka eta flanbeatu. Gero bota beratutako gainerakoa. 5 minutuan egosten jarraitu eta dena batera txikitu. Azkenik, untxia gehitu eta 10 minutuan egosi estalita. Beste alde batetik, zuritutako eta zatitutako gainerako almendrak salteatu gorritu arte.
5. Untxia beroan zerbitzatu eta hautseztatu salteatutako almendrekin eta piperrauts apur batekin.

Trukuak eta aholkuak

Untxi-haragia hainbat espeziarekin beratzean zapore berezia lortzen da eta haragiak testura gozoagoa izan ohi du. Plater osoagoa izateko, modu honetan prestatutako untxia arroz zuriarekin jatea aholkatzen da.

Informazio nutrizionala errazioko

Untxi-haragia oso digestio errazeko jakia da, bere proteinen osaera dela eta. Almendrek osasun kardiobaskularrarentzat oso onuragarriak diren gantz-azido asegabeak ematen ditu, eta horrez gain, zuntz-, bitamina- eta mineral-iturri bikaina dira, E bitamina eta kaltzioa nabarmentzen dira, batez ere.

Ekarpen nutrizionala errazioko

Energia: 370 kcal Proteinak: 30 g Karbohidratoak: 2 g Koipea: 27 g